नवलपुर । लगातार वर्षा भइरहेकाले खोला तथा खहरेमा पानीको सहत बढ्ने भन्दै सतर्क रहन बाढी पूर्वानुमान शाखाले अनुरोध गरेको छ । नवलपरासी पूर्व र पश्चिमका क्षेत्रमा अहिले निरन्तर बर्षा भइरहेको र यो क्रम शनिबार सम्म रहन सक्ने भन्दै तटिय क्षेत्रका बासिन्दालाई उच्च सर्तकता अपनाउन अनुरोध गरेको छ ।
नेपाल बाढी सूचना केन्द्रले नवलपुरको डण्डा , नवलपरासी पश्चिमको बर्दघाट र आसपासका क्षेत्रमा पछिल्लो १२ घण्टादेखी वर्षा भइरहेको र थप वर्षा हुने देखिएकाले सतर्क रहन अनुरोध गरेको हो । निरन्तरको वर्षाले यस क्षेत्रमा रहेका खोलाहरुमा आकास्मीक रुपमा बाढी आउन सक्ने हुदाँ तटिय क्षेत्रका बासिन्दालाई शनिबार बिहान सम्म सतर्क रहन बाढी पूर्वानुमान शाखाले अनुरोध गरेको छ । बर्दघाटमा रहेको बर्षा मापद केन्द्रले शुक्रबार दिउसो १ सय ९ मिलि मिटर नाघेको देखाएको छ । यस आसपासको क्षेत्रमा भारि वर्षा भएको शाखाले देखाएको छ ।
