कोभिडका कारण समस्यामा परेकालाई स्वयमसेवकका रुपमा सहयोग गर्न एमाले नवलपुरको अपिल

कावासोती । नेपाल कम्युनिष्ट पार्टी (एमाले) जिल्ला कमिटि नवलपुरले कोभिडको संक्रमणका कारण अप्ठ्यारोमा परेकाको सहयोगमा खटिन अपिल गरेको छ । एमाले नवलपुरले एक पे्रस विज्ञप्ती जारी गर्दै नेकपा एमाले नवलपुरका सम्पूर्ण नेता ,कार्यकर्ता, जनवर्गीय संगठनका नेता कार्यकर्ता, लगाएत शुभेच्छुक , शुभचिन्तक तथा आम जनसमुदायहरुमा कोरोना संक्रमणका कारण असजिलो परेका व्यक्तिहरुलाई स्वयमसेवकको रुपमा तत्काल मद्धत गर्न अपिल गरेको छ ।
जिल्ला सचिवालय सदस्य भीमलाल कंडेलद्धारा हस्ताक्षरित पे्रस विज्ञप्तीमा जिल्ला प्रशासन कार्यालय नवलपरासी पूर्वले जारी गरेको सूचना अनुसार निषेधाज्ञाको पूर्ण पालन गर्न गराउन समेत अपिल गरिएको छ ।
विज्ञप्ती मार्फत नेकपा एमाले नवलपुरले कोभिडका कारणबाट ज्यान गुमाएकाप्रति श्रदाञ्जली अर्पण गर्दै शोकाकुल परिवार जनप्रति संवेदना प्रकट गरेको छ । साथै स्वास्थ्य उपचारमा रहेका सबै विरामीहरुमा शिघ्र स्वास्थ्य लाभको कामना समेत गरिएको छ ।