डेढगाउँ । नवलपुरको पहाडी क्षेत्रमा पर्ने बौदीकाली गाउँपालिकाले गाउँपालिका सहित वडाको प्रशासनिक भवन बनाउने भएको छ । भाडाको घरबाट संचालनमा रहेको बौदीकाली गाउँपालिकाको आफ्नै प्रशासनिक भवन बनाउने प्रक्रिया अगाडी बढाईएको छ । यसकालागि ८ रोपनी जग्गा प्राप्तीको काम सकिएको गाउँपालिका उपाध्यक्ष मायादेवी श्रेष्ठले बताउनुभयो । केरमटारमा जग्गा प्राप्तिको काम सकिएको र अब भवन निर्माणको प्रक्रिया अगाडी बढन् लागेको उहाँले बताउनुभयो । सेवाग्राही मैत्री रुपमा प्रशासनिक भवन निर्माण गरि सहज रुपमा सेवा दिनकालागि भवन निर्माण पश्चात सहजता हुने प्रमुख प्रशासकिय अधिकृत प्रदिपचन्द्र सुवेदीले बताउनुभयो ।
गाउँपालिकाले वडा कार्यालयहरुको निर्माणलाई समेत प्राथमिकतामा राखेको छ । जस अनुसार वडा नम्बर ३ र ५ को भवन निर्माण सम्पन्न भएको छ । वडा नम्बर १, ४ र ६ को भवन निर्माण सम्पन्न हुन लागेको छ । वडा नम्बर दुईको भवन निर्माणको प्रक्रिया समेत अगाडी बढन लागेको प्रमुख प्रशासकिय अधिकृत सुवेदीले बताउनुभयो ।
वडा कार्यालयका भवन व्यस्थित नहुदा सेवा प्रदानमा समस्या हुने गरेकोमा नयाँ भवन निर्माण पछी सेवा प्रदान गर्न सहता मिल्ले विश्वास छ । अहिले गाउँपालिकामा विभिन्न विषयगत शाखा र वडाहरुमा समेत फरक फरक रुपमा धेरै प्रकारका सेवाहरु प्रदान गर्नुपर्दा भवनको अभावले सेवा प्रवाहामा असजता हुदै आएकोमा व्यस्थित भवन निर्माणले सेवा प्रदानमा थप सहजता मिल्ने गाउँपालिका अध्यक्ष दुर्गा बहादुर रानाले बताउनुभयो ।
