जिल्ला अस्पताललाई रोटरी क्लब कावासोतीद्धारा शौचालय हस्तान्तरण

कावासोती  ।  पूर्वी नवलपरासीको कावासोती नगरपालिका – १६ डण्डामा रहेको मध्यविन्दु जिल्ला अस्पताललाई रोटरी क्लब अफ कावासोतिले सार्वजनिक शौचालय हस्तान्तरण गरेको छ ।
सोमबार एक कार्यक्रमकाबीच क्लबका अध्यक्ष भोजराज दाहालले अस्पताल व्यवस्थापन समितीका अध्यक्ष डा. गोपाल खनाललाई शौचालयको चापी हस्तान्तरण गर्नुभयो । विभिन्न सामाजिक काम गर्दै आएको क्लबले अस्पताल पुग्ने सर्वसाधारणलाई सहज होस् भन्ने उदेश्यले शौचालय निर्माण गरेको अध्यक्ष दाहालले बताउनुभयो । आगामी दिमा समेत यस किसिमका सामाजिक कामहरु गर्दै जाने उहाँले बताउनुभयो । प्रकास हार्डवेयर , आर के हार्डवेयर, दाजुभाइ हार्डवेयर लगायतका विभिन्न व्यवसायिक संघसंस्था समेतको सहयोगमा ७ लाख ६२ हजार रुपिँया लागतमा ४ कोठे सार्वजनिक शौचालय निर्माण भएको हो ।
हस्तान्तरण कार्यक्रममा नेपाल पत्रकार महासंघ गण्डकी प्रदेशका अध्यक्ष नारायण शर्मा , नेपाल पत्रकार महासंघ नवलपुरका अध्यक्ष विरेन्द्र पराजुली , रोटरीयन जीवन सापकोटा , केशजराज भट्टराई , भरत पोखरेल लगायतको सहभागिता रहेको थियो ।