होल स्कूल डेभलोभमेन्ट प्रोगामको समिक्षा वैठक कावासोतीमा सम्पन्न

कावासोती । कावासोती नगरपालिकाको विद्यालयहरुमा सञ्चालन गरिएको होल स्कूल डेभलोभमेन्ट प्रोगामको समिक्षा वैठक भएको छ । कावासोती नगरपालिका र ब्रिटिश काउन्सीलको साझेदारीमा गत वर्षबाट कावासोती नगरपालिकाका विद्यालयहरुमा लागु गरिएको यो परियोजना कस्तो परियोजना हो ? कसरी काम भएको छ ? के – के काम भएको छ ? के– कस्ता कामहरु हुन्छन् ? कार्यक्रमबाट भएका उपलब्धीहरु के छन् ? लगायतका विषयमा बुधबार जानकारी गराईनुका साथै छलफल भएको थियो ।

वैठकमा कावासोती नगरपालिका श्रोत शिक्षक तिर्थ कंडेलले कार्यपत्र प्रस्तुत गर्दै खास गरि विद्यालयको कक्षाभित्रको शिक्षण सिकाईलाई प्राथमिकतामा राखेर यो रियोजना लागु गरिएको बताउनुभयो । विद्यालयको भौतिक विकासलाई पहिलो प्राथमिकतामा राख्ने परिपाटी हाम्रो समाजमा रहेकाले शिक्षा क्षेत्रको गुणस्तर र विद्यार्थीहरुको सिकाईमा राम्रो नतिजा आउन नसकेको कुरालाई मध्यनजर राख्दै यो परियोजना सञ्चालन गरिएको कंडेलले बताउनुभयो । शिक्षण सिकाई र विद्यार्थीहरुको सुक्ष्म सिकाई संगै सुजनात्मकता , प्रविधीको ज्ञान प्रध्यानाअध्यापक तथा शिक्षकहरुको नेतृत्व विकासलाई यस परियोजनाले जोड दिएको बताउनुभयो । उहाँले परियोजना लागु भएपछिको सकारात्मक पक्ष भनेको प्रध्यानाअध्यापक तथा शिक्षकहरुले तालिममा सिकेका कुरालाई कक्षाकोठासम्म पु¥याउनु रहको बताउनुभयो । यस्तै ईन्टरनेशनल स्कूल अवार्ड कार्यक्रममा कावासोतीका विद्यालय सहभागि हुनु गौरवको विषय रहेको बताउनुभयो ।

यस्तै कार्यक्रममा ब्रिटिश काउन्सीलका कार्यक्रम व्यवस्थापक शुर्दशन सुवेदीले प्रस्तुतीकरण गर्दै यस कार्यक्रमलाई सफल पार्न अभिभावक , प्रध्यानाअध्यापक , शिक्षक , विद्यार्थी , स्थानीय सरकार , विद्यालय व्यवस्थापन समिती , शिक्षक अभिभावक संघ लगायतको महत्वपूर्ण भूमिका रहने बताउनुभयो । उहाँले सबैले आफ्नो – आफ्नो ठाउँबाट भूमिका निर्वाह गरिदिन आग्रह गर्नुभयो । स्थानीय सरकारको तर्फबाट समय समयमा अनुगमन गरेर निगरानी राख्न उहाँले अनुरोध गर्नुभयो । यसैगरि विद्यालय व्यवस्थापन समितीले पनि कार्यक्रममा सहभागिताका लागि शिक्षक विद्यार्थीलाई उत्प्ररित गर्नुपर्ने बताउनुभयो ।

कार्यक्रममा माईक्रोबिट च्यालेन्ज डिभाईस समेत हस्तान्तरण गरिएको छ । ब्रिटिश काउन्सीलका कार्यक्रम प्रमुख भोभेन्द्र लामिछानेले कावासोती नगरपालिका प्रमुख चन्द्र कुमारी पुनलाई ६ सय २५ वटा डिभाईस हस्तान्तरण गर्नुभयो ।

उक्त डिभाईका बारेमा जानकारी दिन पहिलो र दोश्रो चरण गरि शिक्षकहरुलाई तालिम दिईने छ ।कार्यक्रममा कावासोती नगरपालिका शिक्षा शाखाका नगर शिक्षा अधिकृत छत्र वहादुर भण्डारी , राजन पाण्डे , विद्यालयका प्रध्यानाअध्यापक , शिक्षक , विद्यार्थी , विद्यालय वयवस्थापन समितीका प्रतिनिधी लगायतको सहभागिता रहेको थियो । कार्यक्रम नगर प्रमुख पुनको अध्यक्षतमा भएको थियो ।