नवलपुर।प्रेस चौतारी नेपाल नवलपुरको भेला शुक्रबार कावासोतीमा भएको छ । नेपाल पत्रकार महासंघको आसन्न निर्वाचनलाई लक्षित गर्दै आयोजना गरिएको भेलाले आसन्न निर्वाचनमा प्रेस चौतारी नेपालको नेतृत्वमा चुनावी मैदानमा उत्रिएका श्रमजीवी र व्यवसायीक उमद्धारहरुको जीत सुनिश्चत गर्ने गरि लागि पर्ने कुरामा जोड दिएको छ ।
भेलामा गण्डकी प्रदेशबाट केन्द्र र प्रदेशमा चुनावी मैदान उत्रिएका उमेद्धारहरुको परिचयात्मक कार्यक्रम र प्रतिबद्धता समेत व्यक्त गरिएको थियो । प्रदेश अध्यक्षमा उमेद्धार बन्नुभएका दिपेन्द्र श्रेष्ठले भेलामा प्रेस चौतारीको नेतृत्वमा चुनावी मैदानमा उत्रिएका सबै श्ररमजीवी म र व्यवसायीक पत्रकारहरु रहेकाले आफुहरुको जीत सुनिश्चित रहेको उहाँले बताउनुभयो । उहाँले आफुहरुको मुख्य एजेन्डा श्रमजीवी पत्रकारको हकहितमा काम गर्ने संगै जेष्ठ सदस्यहरुलाई भत्ताको व्यवस्था , प्रदेशका ११ वटै जिल्लाका महासंघका सदस्यहरुको परिवारको स्वास्थ्य विमा गर्ने , नयाँ पत्रकारहरुको क्षमता अभिबृद्धि र काम गरिरहेका पत्रकाहरुलाई प्रोत्साहन गर्ने रहेको बताउनुभयो ।
भेलामा केन्द्रिय सदस्य पदका उम्मेदवार रामजी प्रसाद लम्साल , भिमलाल श्रेष्ठ , तथा प्रदेशका उपाध्यक्ष इन्द्र प्रसाद पौडेल, कोषाध्यक्ष शालिकराम कोईराला , खुल्ला सदस्यमा उठ्नुभएका कृष्ण कंडेल उम्मेदवार हरुले पनि प्रतिबद्धता मन्तव्य राख्नुभएको थियो । उहाँहरुले प्रेस चौतारी नेपालका उम्मेदवार लामो समयदेखि कलम चलाएर खारिएका मात्रै नभई पत्रकारको पेशागत हकहितका लागि विगतदेखि नै वकालत गर्दै आएको हुँदा सदैव श्रमजीवीको पक्षमा उभिने प्रतिबद्धता जनाउनुभयो । यसपालीको निर्वाचनमा अमुल्य मत दिएर जीत दिलाउन उहाँले सबैमा आनुरोध गर्नुभयो ।
भेलामा प्रेस चौतारी नेपाल जिल्ला नवलपुरले जिल्लाको महासंघमा समेत श्रमजीवी तथा व्यवसायीक पत्रकारहरुको नेतृत्व गर्दै प्रेस चौतारीको नेतृत्वमा चुनावी मैदानमा उत्रने निर्णय भएको छ । साथै पत्रकार महासंघलाई सबै श्रमजीवी पत्रकारको साझा संस्थाको रुपमा विकास गर्नका लागि समेत पहल गर्ने निर्णय गरिएको छ । यस्तै प्रेस चौतारी नेपाल नवलपुरको जिल्ला अधिवेशन आगामी वैशाख १८ गते गर्ने निर्णय भएको छ । आसन्न निर्वाचनमा प्रदेश र केन्द्रमा समेत प्रेस चौतारीको नेतृत्वको प्यानलको जीत सुनिश्चित गर्न आ– आफ्नो ठाउँबाट लागि पर्ने भेलाले निश्कर्ष निकालेको छ ।
प्रेस चौतारी नेपाल नवलपुरका संयोजक हिमालदेव पंगेनीको अध्यक्षतामा भएको भेलामा प्रेस चौतारी नेपालका केन्द्रिय सदस्य तथा गण्डकी प्रदेशका सहसंयोजक विद्रोही गिरी , प्रेस चौतारी नेपाल नवलपरासीका संस्थापक अध्यक्ष तथा गण्डकी प्रदेश सदस्य होमनाथ जैशी , प्रेस स्वतन्त्रता सेनानी लालकुमार भट्टराई लगायतको आतिथ्यता रहेको थियो । भेलामा स्वागत मन्तव्य प्रेस चौतारी नेपाल नवलपुरका सदस्य दयाराम आचार्यले राख्नुभएको थियो भने , सहजीकरण प्रेस चौतारी नेपाल नवलपुरका सहसंयोजक तिर्थराज डुम्रेले गर्नुभएको थियो ।
