नवलपुर । पूर्वपश्चिम राजमागर्कको बिस्तारको क्रममा धुलाम्वे बनेको सडकका कारण यस क्षेत्र भएर यात्रा गर्ने यात्रुहरुले सास्ती खेप्नु परेको छ । यस्तै राजमार्ग बिस्तार गर्ने भनेर लामोसमय देखी जिर्ण बनेको सडक मर्मत नगर्दा खाल्डा खुल्डी उस्तै । गत असोज पहिलो हप्ता आएको अविरल वर्षा पछि दाउन्ने सहित विभिन्न स्थानमा भत्कीएको सडक मर्मत भएका छनैन् । जसको कारण अहिले ति सडक खण्डमा उड्ने धुलोको कारण स्थानीय बासिन्दा र सो क्षेत्र भएर यात्रा गर्ने यात्रुले सास्ती खेप्नु परेको छ ।
विगतको केही समय आगाडी सम्म ठेक्केदार कम्पनीले भत्कीएको सडकमा दैनिक रुपमा पानी हाल्ने गरेको भएपनि एक साता देखि सडकमा पानी हाल्न छाडेको छ । जसको कारण घरमा बस्न समेत सास्ती भएको मध्यविन्दु ८ देवकोटा टोलका यदुथान पोखरेलले बताउनुभयो । सडक किनारमा भएको घरमा धुलोको कारण घर नै धुलाम्बे बनेको उहाँले बताउनुभयो । सम्बन्धीत ठेक्केदार कम्पनीले पानी नहालेपनि नगरपालिकाले भएपनि पानी हाल्ने व्यस्था गर्नुपर्ने उहाँको माग छ । “सम्बन्धित निकायसंग पहल गर्नुपर्छ । नभएको खण्डमा नगरपालिकाले भएपनि त पानी हाल्न प¥यो ।” उहाँले भन्नुभयो –“धुलोले घरमा बस्न सक्ने अवस्था नै छैन ।”
सोमबार जिल्ला प्रशासन कार्यालयमा ठेक्केदार कम्पनीसग नियमति रुपमा पानी हाल्ने लिखत सम्झौता भएको प्रमुख जिल्ला अधिकारी मनमाया पंगेनीले बताउनुभयो । पानी हाल्ने ट्यांकरबाट तेल चोरी भएको घटना पछि पानी हाल्ने काम रोकिएकोमा ठेक्केदार पक्षसंग प्रसाशनको सहयोगमा भएपनि पानी हाल्ने काम नरोक्ने सहमति गरिएको उहाँले बताउनुभयो । यसअघि दुम्कीबास क्षेत्रका स्थानीयले राजमार्गमा धुलोको कारण सास्ती खेप्नु परेको भन्दै राजमार्गसमेत अवरुद्ध गरेका थिए । पानी नहालेको विषयमा ठेक्केदार कम्पनीसंग बुझ्ने र तत्काल पानी हाल्न लगाउने प्रमुख जिल्ला अधिकारी पंगेनीले बताउनुभयो ।
नारायणगढ दाउन्ने सडक खण्डको गैंडाकोट, भेडाबारी, कावासोती, चोरमारा, अरुणखोला दुम्कीबास र दाउन्ने खण्डमा सडक भत्कीएका छन् । गर्मी महिना शुरु भएसंगै सो क्षेत्रमा अत्याधिक धुलो उड्ने समस्या देखिएको छ ।
