‘सम्वृद्धिकाे अभियान एमालेको नेतृत्वमा मात्र सम्भव’

बुलिङटार । नेकपा (एमाले ) गण्डकी प्रदेश प्रचार बिभाग सदस्य एवम् युवा नेता विद्रोही गिरीले  सम्वृद्धिकाे अभियान एमालेको नेतृत्वमा मात्रै सम्भव भएको बताउनु भएको छ । नेपाल राष्ट्रिय शिक्षक संगठन बुलिङटार गाउँ समितिको दोस्रो अधिबेशनको उद्घाटन सत्रमा बोल्द उहाँले सो कुरा बताउनु भएको हो ।
विकासको योजना र नेतृत्व बीच एक रुपता हुदा मात्र विकास सम्भव हुने धारणा राख्दै उहाँले भन्नुभयो –‘ विकासको भिजन त्यसलाई कार्यन्वयन गर्ने नेतृत्व एमाले संग छ ’ देशमा तीन तहको सरकार भएपनि तल्लो तहको सरकार बुलिङटारमा नहुँदा विकासले गति लिन सकेको छैन उहाँले थप्नुभयो आज गाउँमा आएको पुँजीगत खर्च समेत खर्च गर्न नसक्ने नेतृत्वले गर्दा बुलिङटार पछि परेको छ ।’
कालीगण्डकी कोरिडोर निर्माण, कावासोती– कोखेटार सडक निर्माण, राष्ट्रिय प्रशारण लाईन बिद्युत बिस्तार, अस्पताल स्वीकृत जस्ता महत्वपूर्ण काम केपी शर्मा ओलीकै सरकार हुँदा सम्भव भएको दावी उहाँको छ । केन्द्र र प्रदेश स्तरका योजनाले गाउँको विकासमा टेवा पुगेको छ । तर स्थानीय तहमा बजेट सदुपयोग हुन सकेन ।
उहाँले शिक्षक समाज परिवर्तनको संवाहक भएकाले गाउँको शैक्षिक विकास पहिलो शर्तको रुपमा अगाडि बढाउन आबश्यक भएकोमा जोड दिनु भयो । आज नमूना बिद्यालय र प्राबिधिक बिद्यालयको नेतृत्व शिक्षक संगठनका शिक्षक भएका ठाउँमा सम्भव भएको छ । भौतिक र शैक्षिक दुवै पक्षमा गुणात्मक विकासका लागि लाग्नु पर्छ ।
कार्यक्रममा नेपाल राष्ट्रिय शिक्षक संगठनका गण्डकी प्रदेश कमिटिका सदस्य बलराम रानाभाटले शिक्षक संगठन गुणस्तरीय शिक्षकहरु संगठन भएको बताउनुभयो । शिक्षकका समस्या समाधानमा संगठनले सरकारलाई घचघच्याउने काम गरेको रानाभाटले बताउनुभयो ।
नेपाल राष्ट्रिय शिक्षक संगठनका नवलपुर जिल्लाका सचिव दीपकनाथ घिमिरेले जिल्लामा संगठन बजबुद छ । सबै तहमा परिस्थिति ठिक होला नहोला तर मनस्थिति ठिक राखेर शिक्षकहरुले काम गर्नुपर्ने बताउनु भयो । वर्तमान सरकारले नै शिक्षकहरु समस्या समाधान गर्न ऐन ल्याउने समेत उहाँले जिकिर गर्नु भयो ।

अधिबेशनमा त्रिभुवन मावि बुलिङटारका प्रधानाध्यापक शम्भुप्रसाद बस्ताकोटी, उदय आधारभूत बिद्यालयका प्रधानाध्यापक रामबहादुर राना, अमरबहादुर नेपालीले बोल्नु भएको थियो । नेपाल राष्ट्रिय शिक्षक संगठन बुलिङटारका अध्यक्ष हिरासिंह रेश्मीमगरको अध्यक्षतामा तथा सचिव पवन विसीको सञ्चालनमा भएको उक्त अधिबेशनले अमरबहादुर नेपालीको अध्यक्षतामा १७ सदस्यीय नयाँ कार्य समिति निर्वाचित गरेको छ । जसको उपाध्यक्ष तुलसिं सारु, महिला उपाध्यक्ष विमला वाग्ले, सचिव अमरबहादुर घर्ती,कोषाध्यक्ष नन्दुलाल सारु ,सहसचिव भोजकुमारी राना खण्डलुक रहनु भएको छ ।