ज्ञानु पंगेनी । कावासोती । किशोरीहरुलाई पनि अवसर , हौसला र विश्वास गर्न सके घरपरिवार र समाज परिवर्तन गर्न सक्ने देवचुलीका किशोरीहरुले बताएका छन् ।
जागृती बाल तथा युवा सरोकार नेपाल र क्यानलन स्वीजरल्याडको साझेदारीमा सञ्चालन गरिएको किशोरी शशक्तीकरण परियोजनामा आबद्ध भएका किशोरीहरुले बालबालिकालाई विश्वास नगर्ने त्यसमाथी पनि किशोरीहरुलाई धेरै कुरामा बन्देज लगाउने भएकै कारण किशोरीहरु पछि पर्न बाध्य भएको गुनासो गर्दै , उनीहरुले अवसर पाएमा जस्तोसुकै काम पनि गर्न सक्छन् भन्ने उदाहरण दिन देवचुलीका किशोरीहरु सफल भएको बताएका थिए । तीन वर्षसम्म किशोरी शशक्तीकरण परियोजनामा जोडिएर आफुहरुले धेरै कुरा सिकेको र ती कुरालाई व्यवहारमा लागु गर्दै परिवार र समाजमा समेत बदलाव ल्याउन सफल भएको बताएका थिए ।
देवचुलीमा सञ्चालन गरिएको किशोरी शशक्तिकरण परियोजना सम्पन्न भएको छ । देवचुली – १६ रजहरमा बिहिबारदेखि सुरु भएको रिभ्यु एन्ड गे्रजुएसन सेरेमनीमा शुक्रबार भएको कार्यक्रममा बोल्दै किशोरीहरु आशा बि.क. प्रिती भुषाल , रेजिना घर्ती मगर , आश्था अनिरजित बास्ताकोटी लगायतले कार्यक्रमबाट आत्मरक्षा तालिम, नेतृत्व र क्षमता अभिवृद्धि, बाल अधिकारका कुरा जान्ने अवसर पाएको , समाजमा किशोरीहरुमाथी हुने हिंसा न्यनिकरणका लागि गर्नुपर्ने काम र समग्र किशोरीहरुको आत्मविश्वास बढाउन ठूलो टेवा पुगेको बताएका थिए । महिनावारी हुँदा किशोरीमाथी हुने भेदभावलाई कम गर्न केहि हदसम्म सफल भएको र पूर्ण रुपमा सफल बनाउन सबै मिलेर लाग्नुपर्ने बताएका थिए । कार्यक्रममा आबद्ध भएका ४५ जना किशोरीहरु जहाँसुकै गएर पनि बालबालिका र किशोरीका कुरा गर्न र सहजीकरण गर्न सक्षम भएको भन्दै उनीहरुले देवचुलीका जनप्रतिनिधीहरुलाई बालबालिका र किशोरीहरुका तालिम सञ्चालन गर्नुपर्दा बाहिरबाट नबोलाउन प्रशिक्षक आग्रह गर्दै आफुहरुलाई नै अवसर दिन समेत माग गरे । आत्मरक्षा तालिमा शारिरिक रुपमा गर्न सकिने सुरक्षा, हिंसाबाट कसरी बच्ने, दुर्वव्यवहारको सामाना र प्रतिकार कसरी गर्ने,समस्याको समाधान कसरी गर्ने,समस्या पर्दा कसरी अरुलाई भन्ने, सहयोग गर्न सक्ने को – को हुन्छन भन्ने बारेमा जानकारी हासिल गर्नुका साथै लकडाउनका वेला सुजनात्मक कामहरु गरेको , अनलाईनको माध्यमबाट घरमै सेनेटरी प्याड बनाउन सिकाउने जस्ता काम गरेको बताएका थिए ।
शुक्रबार कार्यक्रममा दुइ सेशन गरि जनप्रतिनिधी , अभिभावक तथा बालबालिका फोकल पर्र्सनका रुपमा रहेका शिक्षकहरुसंग अनुभव आदान प्रदान र आगामि दिनमा कसरी किशोरीको क्षेत्रमा काम गर्न सकिन्छ भन्ने बारेमा छलफल भएको थियो ।
कार्यक्रममा सहभागि जनप्रतिनिधी तथा अभिभावकहरुले कार्यक्रमबाट हिजोका दिनमा अगाडि गएर आफ्नो नाम पनि भन्न नसक्ने आफ्ना छोरीहरु अहिले ढुक्कसंग अधिकारका कुरा गर्न सक्ने भएको बताएका थिए । किशोरीहरुमा सृजनात्मक काममा बृद्धि भएको , क्षमता विकास भएको र सबैभन्दा खुसीको कुरा देवचुलीका छोरीहरुले राष्ट्रिय अन्तराष्ट्रिय पुरस्कार र सम्मान पाएर आफ्नो गाउँठाउँ , देश र अभिभावकको शिर उच्च राख्ने गरि गौरबको काम गरेको बताएका थिए । यो सबै यसै परियोजनाले ल्याएको उपलब्धी रहेको उनीहरुको भनाई थियो ।
तिनदिसम्म चल्ने कार्यक्रममा विभिन्न सेशशनमा सल्लाहाकार समिती , जनप्रतिनिधी , अभिभावक , विद्यालय व्यवस्थापन समिती लगायतका प्रतिनिधीसंग किशोरीहरुले आफ्ना अनुभव सुनाउने र भविश्यमा किशोरी शशक्तिकरणलाई कसरी अघि बढाउन सकिन्छ भन्ने बारेमा निश्कर्ष निकालेर काम गर्ने योजना सहित कार्यक्रमको आयोजना गरिएको कार्यक्रम संयोजक श्रद्धा वर्माले बताउनुभयो ।
शनिबार प्रतिनिधी सभा सदस्य तिलक महतको उपस्थितीमा कार्यक्रम समापन गरिने जागृती बाल तथा युवा सरोकार नेपालका महासचिव दिपक शर्माले जानकारी दिनुभयो ।
