कावासोती । ‘पहिले छोरी चेलीलाई पढाउने चलन थिएन, पढ्ने स्कुल पनि नजिक हुदैनथे त्यसैले पढ्ने रहर मार्नु पर्थ्यो ,आज तेही रहर पुरा गरिरहेको छु ’– ६७ वर्षीय प्रेम कुमारी पौडेलले भन्नुभयो । सानोमा विद्यालय देख्न नपाएको बताउने उहाँको अहिले विहान ११ बज्नै लाग्दा झोलामा किताव कापी बोकेर विद्यालयमा पढ्न निस्कनु दैनिकी बनेको छ ।
कावासोती नगरपालिका –२,मा शिव सामुदायिक सिकाई केन्द्रले संचालन गरेको गृहणी शिक्षा(अनौपचारीक प्रढौ शिक्षा)मा अध्यन गर्न उहाँ जस्तै अन्य महिलाहरु पनि आउने गर्नुभएको छ ।
अध्यन गर्ने उमेरमा विभिन्न कारणले अध्यन गर्न नपाएका गृहणीहरु विहान ११ बजेदखी ३ बजे सम्म यहाँ रहन्छन् । ६७ वर्षीय पे्रम कुमारी पौडेललाई अहिले पढ्ने मौका पाउदा धेरै खुसी लागेको बताउनुभयो । दुई वर्ष देखी यहाँ पढन थाल्नु भएको उहाँले अहिले छोरा छोरीको नाम अगे्रजीमा लेख्न, मोवाईलमा पैसा राख्न, सजिव ,निर्जीव वस्तु चिन्न सक्दा दङ्ग हुनुहुन्छ । ‘मलाई अहिले आफु बच्चै भएको जस्तो लागेको छ, खुसी लागेको छ, घरबाट हिडेर आउन सक्ने बेला सम्म र सिकाई केन्द्रमा पढन पाउदा सम्म आउछु’ पौडेलले भन्नुभयो –बच्चामा पढन् नपाएको रहर मेटिएको झैं लागेको छ ,अहिले तिर्खा यही पढाईले मेटे जस्तो हुन्छ ।
स्याङ्जा सतुङ्गा जन्मनु भएको उहाँ ,त्यती बेला गाउँमा पाँच कक्षा सम्मको विद्यालय भएको भएपनी छोराहरुलाई पढाउने ,छोरीलाई नपढाउने चलन रहेको सम्झनुहुन्छ । ‘छोरीहरुत कोदो रोप्ने,घाँस,दाउरा गर्ने,गाई बस्तु चराउने यस्तै गर्नुपरथ्यो, दाजुभाई स्कुल जानुहुन्थ्यो , पौडेलले भन्नुभयो– तेतीबेला छोरीहरुलाई त यस्तो हेला हुदो रहेछ , छोरा भएपछी पढन पाईदो रैछ भन्ने लाग्थ्यो ।
अहिले भने धेरै परिवर्तन भएको उहाँले महशुस गर्नु भएको छ । ‘अहिलेत छोराछोरी दुवैले पढेमात्रै पनी हुन्छ भन्ने हुन्छ’ पौडेलले भन्नुभयो –हाम्रो समय भन्दा धेरै फेरीयो ।
गृहणी कक्षामा अध्यन गर्ने ६५ वर्षीय चन्द्र माया सिग्देललाई पनि सानोमा पढ्न नपाएर अहिले अक्षर चिन्न पाउदा धेरै खुसी लागेको बताउनुभयो । ‘विद्यालय टाढा हुन्थ्यो, छोरीलाई पढाउन पठाउने चलननै कम थियो’ सिग्देलले भन्नुभयो–अहिले अक्षर चिन्न पाउदा धेरै खुसी लागेको छ । अहिले कतै जादा के लेखेको छ भनेर चिन्न सक्ने भएकाले सजिलो भएको उहाँले बताउनुभयो । ‘कतै गए कहाँ आईएछ भनेर ठाउँ चिन्न सकिन्छ’ सिग्देलले भन्नुभयो–खुसी लाग्छ ।
पौडेल र सिग्देल जस्तै यहाँ कावासोतीका करिब ४२ जना गृहणी कक्षामा भर्ना भएका छन् । अनौपचारीक प्रढौ विद्यालयमा तीन तहको पढाई हुने सिकाई केन्द्रकी परिचालक नुतन थापा पुनले बताउनुभयो । भर्ना भएकाहरुमा केही समय मिलाएर फुर्सदमा आउने गरेको भएपनी करिब २५ जना नियमित जसो आउने गरेको उहाँले बताउनुभयो । कावासोती नगरपालिका –२ , मा रहेको शिव माविमा शिव सामुदायिक सिकाई केन्द्रले गृहणी कक्षा संचालन गर्दै आएको हो । कावासोती नगरपालिकाको सहयोगमा अहिले कक्षा संचालन भईरहेको छ । यसले विद्यालय उमेर पुगेर पनि विद्यालय जान नपाएकाहरुलाई अध्यन गर्न सहज बनाएको छ ।
-नवलपुर प्रेसमा प्रकाशित कुनै पनी समाचार अनुमती विना कतै प्रयोग भएको पाईएमा प्रतिलिपि ऐन अन्र्तगत कानुनी उपचारमा जान बाध्य हुने छौ ।
