देवचुलीमा जेष्ठ नागरिक, अपाङ्गता भएका व्यक्ति र एकल महिलालाई सम्मान

देवचुली । नवलपरासी पूर्व नवलपुरको देवचुली नगरपालिकामा जेष्ठ नागरिक, अपाङ्गता भएका व्यक्ति र एकल महिलाहरुलाई सम्मान गरेको छ । देवचुली नगरपालिका वडा नम्बर २ का ७० जना जेष्ठ नागरिक ,अपाङ्गता भएका व्यक्ती र एकल महिलाहरुलाई सम्मान गरिएको हो । वडा नम्बर २ का भित्रका जेष्ठ नागरिक, एक महिला तथा अपाङ्गता भएका व्यक्ती गरि ७० जनालाई न्यानो कपडा दिएर सम्मान गरिएको वडा नम्बर दुई का वडा अध्यक्ष माधव केसीले जानकारी दिनुभयो ।

सम्मान कार्यक्रममा वडा सदस्य ,टोल सुधार समितिका अध्यक्ष , समाज सेवी लगायतको सहभागिता रहेको थियो । दिव्य युवा समुहको भवनमा उक्त कार्यक्रम आयोजना गरिएको थियो । कार्यक्रमको महिला वडा सदस्य दुर्गा अधिकारीले सहजिकरण गर्नुभएको थियो ।