दुम्किबासमा रक्तदान कार्यक्रम ,४१ जनाले गरे रक्तदान

दुम्किबास । नवलपरासी (बर्दघाट सुस्तापूर्व ) नवलपुरको दुम्किबासमा भएको रक्तदान कार्यक्रममा ४१ जनाले रक्तदान गरेका छन् । नेपाल रेडक्रस सोसाईटी दाउन्नेदेवी उपशाखा दुम्किबासको आयोजनामा भएको रक्तदान कार्यक्रममा ४१ जनाले रक्तदान गरेका हुन् ।

दुम्किबासको स्वास्थ्य चौकीमा भएको रक्तदान कार्यक्रममा ७ जना महिला र ३४ जना पुरुष गरि ४१ जनाले रक्तदान गरेको नेपाल रेडक्रस सोसाईटी दाउन्नेदेवी उपशाखा दुम्किबासकी सभापती रेखा केसी अधिकारीले बताउनुभयो ।

रक्त सञ्चार केन्द्र कावासोतीको प्राविधिक सहयोगमा रक्तदान कार्यक्रमको आयोजना गरिएको उपशाखा सभापती अधिकारीले बताउनुभयो ।