एमाले कावासाेतीले गर्याे स्थानीय निर्वाचनको समिक्षा

कावासाेती । एमाले कावासाेती नगर कमिटीले स्थानीय निर्वाचन समिक्षा कार्यक्रम गरेकाे छ । बुधबार कावासाेतीमा गत वैशाख ३० गते सम्पन्न निर्वाचनको समिक्षा गरिएकाे हाे । कावासाेतीमा बहुमत वडा सहित ,मेयर ,उपमेयरमा जित निकालेकाेमा बाेल्ने वक्ताहरुले सबै मतदातालाई धन्यवाद दिएका थिए । कार्यक्रममा बाेल्ने वक्ताहरुले चुनावका क्रममा विभिन्न वडामा केही समस्या देखिएकाले आगामी दिनमा भएका कमजोरी सुधार गर्दै लैजानु पर्ने बताएका थिए ।  कमजोरीहरु समीक्षा गर्दै अब हुने संघ र प्रदेशकाे निर्वाचनकाे लागि अहिले देखिनै याेजनागत रुपमा लाग्नुपर्ने वक्ताहरूले बताएका थिए ।
समीक्षा कार्यक्रममा वडागत रुपमा रिपोर्टिङ पेस गरिएको थियाे।
कार्यक्रम नगर कमिटी अध्यक्ष रामकृष्ण ढुङ्गानाकाे अध्यक्षता ,केन्द्रीय सदस्य एवं जिल्ला इन्चार्ज तिलक महतकाे प्रमुख आतिथ्यता र नगर कमिटी सचिव राजेन्द्र पाण्डेकाे संचालनमा भएको थियो । कार्यक्रममा प्रदेश कमिटी ,जिल्ला कमिटी ,नगर कमिटीका एमाले नेताहरूकाे उपस्थिति रहेको थियो ।