प्रगतिनगर खाने पानी संस्थाको समन्वयमा, सीताराम महिला सामुदायिक वनमा वृक्षरोपण  

कावासोती । देवचुली नगरपालिका सातमा रहेको सीताराम महिला सामुदायिक वनमा वृक्षरोपण  गरिएको छ ।
प्रगतिनगर खाने पानी तथा सरसफाइ उपभोक्ता संस्थाको समन्वयमा डिभिजन वन कार्यालय र सामुदायिक वन उपभोक्ता महासंघ नवलपुरबाट निशुल्क प्राप्त विभिन्न जातका बोटबिरुवा लगाइएको हो ।

राई खनियो, काफल, मेन्दोला, इन्दु र भटमासे जातका ५०० बिरुवा लगाइएको प्रगतिनगर खाने पानी तथा सरसफाइ उपभोक्ता संस्थाका अध्यक्ष खिमानन्द भुसालले जानकारी दिनुभयो सिताराम महिला सामुदायिक वन उपभोक्ता समिति देवचुली ७ लाई अध्यक्ष भुसालले  बिरुवा हस्तान्तरण गर्नुभएको  थियो । बिहीबार नै  वृक्षारोपण शुभारम्भ गरिइएको हो ।  वनमा खाली रहेको जमिनको सदुपयोग  गर्दै हरियाली कायम गर्न र वन संरक्षण गर्ने उद्देश्यले वृक्षरोपण गरिएको हो ।