कावासोतीको मतगणना नगरपालिका हलमा, तारजालीले घेरियो –फोटो फिचर

कावासोती । स्थानीय तहको निर्वाचन वैशाख तीस गते अर्थात भोलि हुँदै छ । भोलि बिहान ७ बजेदेखि ५ बजेसम्म मतदान हुने छ । मतदान पछि कावासोती नगरपालिका भित्र रहेका सबै मतदान स्थलका मतपेटिका कावासोती नगरपालिकाको कार्यालयमा ल्याइने छ । कावासोती नगरपालिकाको सभाहलमा यस पटक मतगणना हुनेछ ।

मतगणनाको लागि मतगणना स्थललाई तारजालीले घेरिएको छ । मतगणनाको समयमा सुरक्षा प्रबन्धका लागि मतगणना स्थललाई तारजालीले घेरिएको हो । यसै गरि मतगणना स्थलमा सिसि टिभी क्यामेरा समेत जडान गरिएको छ ।  मतगणना स्थलमा तारजालीले घेरेको बाहिर दलका प्रतिनिधि र भित्र कर्मचारी गणनाका लागि खटिने छन् । कावासोतीको मतपेटिका साँझ नगरपालिका आइसकेपछि राति करिब १० बजे सम्ममा गणना गर्ने सम्भावना रहेको जनाइएको छ ।