कावासोती मेयर कप :उपाधिका लागि ४ र ५ भिड्ने

कावासोती । कावासोतीमा जारी मेयर कम फुटबल प्रतियोगिता अन्र्तगत बिहीबार भएको सेमिफाइनलको  दोस्रो खेलमा वडा नम्बर ४ विजयी भएको छ । कावासोती १ र ४ बिच भएको खेलमा १ लाई ५÷१ गोल अन्तरले पराजित गर्दै ४ ले फाइनल यात्रा तय गरेको हो । बिहिबारको खेलमा वडा नम्बर ४ का  नवीन महतो म्यान अफ दि म्याच घोषित भए ।
यो सँगै उपाधिका लागि कावासोती वडा नम्बर ४ र ५ बिच भिडन्त हुने भएको छ । शनिबार दिउसो २ः३० मा फाइनल खेल हुने जनाइएको छ ।
शुक्रबार नगरपालिका जनप्रतिनिधि र  कर्मचारी बिच  तथा महिलाटिम गरि दुईवटा  खेल हुने  जनाइएको छ ।
विजयी हुने टिमले ५० हजार , उप विजेताले ३० हजार , सेमिफाइनलबाट बाहिरिने टोलीले १०÷१० हजार प्राप्त गर्नेछन् । यस्तै ट्रफी ,मेडल, सर्वाधिक गोलकर्ता, उत्कृष्ट खेलाडी, उत्कृष्ट गोलकर्ताले समेत पुरस्कार प्राप्त गर्नेछन् । कावासोती नगरपालिकाको आयोजना , डायमण्ड युथ सोसाईटीको सहआयोजना तथा कावासोती वडा न। १२ को समन्वयमा प्रतियोगिता आयोजना भएको हो ।