कावासाेतीमा दुर्घटना :छ जना घाइते

कावासाेती । कावासोतीको भित्री सडकमा कार र ट्र्याक्टर ठोक्किँदा ६ जना घाइते भएका छन् ।

जिल्ला प्रहरीका अनुसार आइतबार राति  जिल्ला प्रशासन कार्यालयमा जाने सडकमा भएको दुर्घटनामा कारमा रहेका ६ जना घाइते भएका हुन् ।

घाइतेको कावासोतीस्थित जिल्ला अस्पतालमा उपचार भइरहेको छ । उनीहरुमध्ये २ जनाको अवस्था गम्भीर रहेको प्रहरीले जनायो । प्रहरीका अनुसार सख्त घाइतेहरुलाई थप उपचारका लागि चितवन पठाउने तयारी भइरहेको छ ।

प्रहरीका  अनुसार घाइते हुनेहरुमा कार चालक भरतपुर १० का अर्जुन पाठक, कारमा सवार भरतपुर २३ का कर्ण वहादुर स्याङ्तान, सुवास तामाङ, कल्पना तामाङ, १८ महिनाका वील्सना तामाङ र वर्दघाट वस्ने माया आले रहेका छन् ।  कावासाेती ३ संगम चाेक नजिक   बा ६ च ९२२२ नम्वरको कार र लु ३ त ५१९९ नम्वरको ट्र्याक्टर ठोक्किएका हुन् ।