नवलपुर दुर्घटना अपडेट :मृतकको पहिचान खुल्यो, घाइतेहरूको विवरण सहित

नवलपुर । पूर्व पश्चिम राजमार्ग अन्र्तगत नवलपरासी (बर्दघाट सुस्तापूर्व ) नवलपुरको गैँडाकोट–१०, स्थित २३ स्मृति नजिक बस र ट्रक ठोक्किएर भएको दुर्घटना ज्यान गुमाउने तीन जनाको पहिचान खुलेको छ ।
दुर्घटनामा परि ज्यान गुमाउनेमा बर्दिया बाँसबारी –८, बस्ने ७० वर्षीय योगमाया सुवेदी, कञ्चनपुर बस्ने अन्दाजी ४० वर्षीय किरंगी तिवारी र कञ्चनपुर महेन्द्रनगर झरारी बस्ने अन्दाजी ३५ वर्षीय कृष्ण राना रहेको जिल्ला प्रहरी कार्यालय नवलपरासी पूर्व नवलपुरका प्रहरी नायव उपरीक्षक दिलिप कुमार गिरीले बताउनुभयो ।
दुर्घटनामा परि गम्भिर घाइतेहुनेहरुमा जुम्ला तिला गाउँपालिका –४, बस्ने ३३ वर्षीय टोप बहादुर शाही , बर्दिया बाँसगढी –८, बस्ने ८२ वर्षीय डिल्लिराम सुवेदी र कञ्चनपुर बेलपुर –९,बस्ने ३२ वर्षीय चित्रदेव लेखक रहेको प्रहरी नायब उपरीक्षक गिरीले बताउनुभयो ।
अन्य घाइतेहुनेहरुमा झापा बाहुनडाँगीका १६ वर्षीय पारस ढकाल, मोरङ विराटनगर–३, बस्ने २१ वर्षीय पुजा रेग्मी, सोही ठाउँ बस्ने २८ वर्षीय सरोज पोखरेल, कैलाली बस्ने १६ वर्षीय रोशनी अधिकारी, कञ्चनपुर महेन्द्रनगर –१, बस्ने ४९ वर्षीय मोहन कोइराला, जुम्ला तिला गाउँपालिका –४ , बस्ने २६ वर्षीय चन्द्रनाथ योगी, बस चालक कञ्चनपुरका ४२ वर्षीय लालवीर लोहार, रूपन्देही बस्ने २८ वर्षीय सुरज अधिकारी, झापा बस्ने ३६ वर्षीय मन कुमार श्रेष्ठ रहेका छन् ।

यस्तै अन्य घाइतेहरूमा कञ्चनपुर झलारी बस्ने २६ वर्षीय उर्मिला तिरुवा, ट्रक चालक प्युठानका २७ वर्षीय अमृत सिंह विष्ट, सुर्खेत विरन्द्रनगरका ४० वर्षीय राम बहादुर थापा, नवलपुर हुप्सेकोट गाउँपालिका –३, बस्ने २६ वर्षीय सबिना लिम्बु ,सोही ठाउँका २ वर्षीय जोशन सारु मगर, नवलपुरका १८ वर्षीय गङ्गा ओली , सुर्खेत विरन्द्रनगर –७, बस्ने ४२ वर्षीय मन कुमार थापा र महोत्तरी बर्दिबासका २३ वर्षी रमेश यादव रहेका छन् । घाइते सबैको नयाँ मेडिकल कलेज भरतपुरमा उपचार भइरहेको प्रहरी नायब उपरीक्षक गिरीले बताउनुभयो । दुर्घटनामा परि सामान्य घाइते भएका चारजनाको भने डिस्चार्ज भइसकेको उहाँले बताउनुभयो ।

काँकडभित्ता देखि महेन्द्रनगरका लागि छुटेको सु.प्र.०२–००१ नम्बरको यात्रु बाहक बस र ना ६ ख ७१२६ नम्बरको ट्रक आज बिहान चार बजे एक आपसमा ठोक्किँदा दुर्घटना भएको थियो ।