कावासोती । कोभिड १९ का कारण नवलपुरमा आउन सक्ने जटिल अवस्थालाई मध्यनजर गरि स्थापना गरिएको विपद व्यवस्थापन सहयोगी समिति नवलपुर निरन्तर रुपमा अक्सिजन व्यवस्थापनमा खटिएको छ ।
जिल्लामा स्थापना गरिएको यस समितिले नवलपुरमा कोभिड १९ संक्रमित विरामीले अक्सिजनको अभावमा आफ्नो ज्यान गुमाउन नपरोस भनेर निरन्तरण यसको व्यवस्थापनमा खटिएको छ । विभिन्न संघ संस्थामा आवद्ध व्यक्तिहरु यो माहामारी विरुद्ध लडन लागि परेका छन् । अक्सिजनको व्यवस्थापनकालागि जिल्लाका बिभिन्न स्थानबाट करिब ३३ वटा अक्सिजन सिलिन्डर संकलन गरिएको छ । साथै अक्सिजनको व्यवस्थापनकालागि आर्थिक संकलनमा समेत समिती लागि परेको छ ।
शनिवार समितिका अध्यक्ष शिव गिरीको नेतृत्वमा समितिका सचिव आनन्द श्रेष्ठ, कोषाध्यक्ष नारायण प्रसाद न्यौपाने , सदस्यहरु भोजराज दाहाल, अमृतमाया भुषाल, चन्द्र रानाभाट, प्रगती क्रंक्रिट सामाग्रि उद्योगका संचालक, प्रविन तिवारी समितिका मिडिया प्रवक्ता दयाराम आचार्य लगाएतको टोली नवलपुरको गैंडाकोट सम्म पुगेको थियो ।
रेगुलेटर , अक्सिजन लगाएतका सामाग्रि संकलनकालागि समिति आर्थिक संकलनमा जुटेको समितिका कोषाध्यक्ष नारायण प्रसाद न्यौपानेले बताउनुभयो ।
यस्तै अर्को टोली अक्सिजन सिलिन्डमा रिफिलका लागि भैरहवा पुगेको छ । संस्थाका सदस्य वेद प्रसाद न्यौपाने, बाबुराम कंडेल , कावासोती नगरपालिका वडा नम्बर तीनका वडा अध्यक्ष अमृत श्रेष्ठ लगाएतको टोली ३८ वटा अक्सिजन सिलिण्डर रिफिलका लागि भैरहवा पुगेको थियो । मध्यविन्दु जिल्ला अस्पताल र बर्दघाटको अस्पतालकालागि अक्सिजन उपलब्ध गराउन सो टोली भैरहवा पुगेको थियो । अक्सिजन रिफिलका लागि भने कावासोतीका सुरज गुरुङले सहजिकरण गर्नु भएको थियो ।
यस्तै समितिको अर्को टोली मदन गिरीको नेतृत्वमा बिभिन्न स्थानमा माग गरिएका अक्सिजन सिलिन्डर संकलनकालागि खटिएको थियो ।
कोभिड १९ को महामारी विरुद्ध लड्न सबैले सहयोग गरिदिन समितिका अध्यक्ष शिव गिरीले अनुरोध गर्नुभयो । कसैले पनि नवलपुरमा अक्सिजनको अभावमा ज्यान गुमाउनुपर्ने अवस्था आउन नदिन अक्सिजन व्यवस्थापनकालागि आवश्यक पर्ने आर्थिक सहयोग गरिदिन अध्यक्ष गिरीले अनुरोध गर्नुभयो । जिल्लामा गठन भएको यस समिति स्वतस्फुर्त रुपमा अलिहे कोभिड महामारी विरुद्ध लड्न लागि परेको छ । यो अभियानमा सबै जुट्न समेत अध्यक्ष गिरीले अनुरोध गर्नुभएको छ ।
अभियानका क्रममा हाल सम्म दाउन्नेदेवी आयल सप्लायर्सबाट ५५५५ , श्रीआयल सप्लायर्स ५०००, भागर इन्टरप्राईजेज ५०००, नवलपुर बोर्डिङ चोरमारबाट भिमलाल अधिकारी मार्फत १० हजार, प्याव्सन नवलपुरबाट ५० हजार, सिदार्थ बोर्डिङ कावासोतबाट भोजराज दाहाल मार्फत १० हजार , राजु पुनबाट १० हजार, निप्स कावासोतीबाट ५ हजार ,अटो मोवाईल एशोसिएसनबाट १० हजार, कावासोती इट्टा उद्योगबाट २५ हजार , केसी इट्टा उद्योगबाट २५ हजार, नारायणी इट्टा उद्योगबाट २५ हजार , माता मनकामना इट्टा उद्योगबाट २५ हजार, साविक श्री इन्टरप्राइजेजबाट मिना भुषालमार्फत ५हजार ५००, पञ्चेश्वर आयल सप्लायर्सबाट ६ हजार , कुल एण्ड एलन पेट्रोल पम्पबाट २ हजार, मनकामना क्रसर उद्योगबाट ७ हजार, श्रेष्ठ ब्लक उद्योगबाट बसन्त श्रेष्ठ मार्फत १० हजार , जय मनकामना कंक्रिट व्लक उद्योगबाट १० हजार सहयोग प्राप्त भएको कोषाध्यक्ष न्यौपानेले बताउनुभयो ।
